ياوردة فى
سحاب ماطر وانا وراهو جارى ومد البصر رمادى
يا قاصدة
باصرار تكتبى لفصول الدهشة الفينى الفشل الذريع
ليه يا الفرح
الصادى فينى وتذيدىتكسرى فينى ومض المنى
الضاوى
كان القصد
اجيك ومعاى الشوق واللهفة
كان النية
اجيك بطيب خاطر ازورك
اتفقد حالك
الانشاء الله ديما زين
احكى ليك عن
تعب الترحال فى سكك الفرح التايه منى
وانا عارف انو
فى عيونك الحلوة ساكن مرتاح
وفى جمالك
يازينة البنات
وانتى يوم ما
حستى بى
ماعرفتى الشوق
البيوقد نار الحب فى الجوف
سكبتى فى
امنيتى احباط عميق
كسر خاطرى
المكسور
وخلانى تايه
فى الحزن
ليه يا اريج
الياسمين ديما كاسرة خاطرى
الما فيهو
غيرك غنوة بين كل الدروب
العرفت خطاى
واللسا حاامشى ليها
حبيتك عميق
بيك دنياى شلالات فرح
ساحات ورود
حبيتك عميق
لكن دى ما بعنى اكون اسير
حبا ما تتفتح
فى مساماتوا وردة
بدونك ما بموت
لكن تبقى
الامانى معاك سراب
طرابلس /ليبيا