الشوك فى دروب
ريدك النار فى مشاوير حبك بمشى فى جمر المسافات
حفيان بحرق
الخطى وكل اهات الليالى الساكنة جواى انتى يانورا فـــــى
مسافة الشوق
ونظرة فى عيونى ديما مسافرة فى دروب المستحيل........
انتى يالون
العشق البنفسجى الراسم التعب فى خطاى غنوة بشيل اسمــــك
فى صحوى زادا
لسفر الصبر الطويل وبحلم بيك فرح مسكوب جـــــداول عشق صادق جيتك بانفعالات الشجن
الحارة معاى حزن المرافى شــــراع
منى سايقانى
الخطاوى فيض ممن وجد فاتح نوافذ شوقا مشرعا فـــــــــــى اتجاهاتى المشتتا وامل
فرش المسارات دهشة انتى يا لون العشق البنفسجى
الراسم التعب فى خطاى غنوة بريدك يا نجمة فالى زى ما انتى
عنيدة
قاسية
حضورك
بمشى لكل
الدروب الضاوية من صفاك شموع حب وردية العايشة فــــــــى نبضك مساحة روعة شاسعة
انتى يا حلمى
الصاحى فى ليل البنادر والقرى وعد فى السحاب الماطـــــــر زهــــــــور يا فرحة
ضوت شموعنا المطفية من زمن يباب
بريدك بريد
امل فى خيالى اطفال ازاهارمن عيونك يطلــوا
حلويـــــــــن
حفيان شيلى
النار الشوك من الدروب المشاوير المراســـــى
كان تلحق تصل
الخطاوى مرافيك
منى ليك احلى
ريد مجدول بالصدق
اه من عنادك
اه من عنـــــــــــــادك
الخرطوم/الحاج
يوسف