من اقصى اصقاع الحزن الفارش مساحات الوجدان
العاطفى وجراحات الحب الما بتبرا من جهات
الريح
التكتب فى مداخل المدن الكرتونية الخراب
المابتحدد
من اوجاع المسافات التطفح فيها الاحزان الما
بتكمل
من عمق ثوانى الياس المنشر جواى ايام وسنين
مانى
حطام جاى بلهفة افتش فى عيونك لغنوة تملى
مواسم
حزنى الطال لفرحا يبدل جهات الريح مطر تكتب
فى
صفحات الحقول سنبلة نخلة وردة تبدل لحظات
التيه
العاطفى توهج يفيض فوق حاجة الوجدان الحائر
بين
صمت الاشياء واشواق الليل الطول طول راجى فجر
الحب البيهو اتجدد طفل يحلم بعروس المولد
والوان
الشمع اليرسم بيها غابة ورد وعصفورة تنادى
التايهين
لسكة توصل لمدن الفرح النادر وشموع العيد
بيك يا انشودة القرنفل يتبدل لحنى النشاز
دوزنة لوتر
يعزف لحنا يطرب كل الناس وحتى الطير