الشكية ليك يا
فرح العيد الجاى يا مجد العشق الضاوى ليلنا العتم
شيطان الشعر
الجافل من ما فارق ارض الحلوة وعيون البــــــت
السمحة راجى
جواب الحلوة يهل يكتب فيهو الشعر الما انقــــــال
ويمسح ارض
البلد الغادى من دنس الزول الحاقد
وسجم الناس
الفيها
كان شفتى حالى
فى الغربة يا مجد العشق الضاوى
ليلنا العتم
جوابك راجيهوا
كلامك ما لاقيهوا
تايه فى مدن
البلد الشارد من زحمة الناس الواردة
الشكية ليك يا
فرح العيد الجاى
يافرحة شفع
بالعيد وهدوم العيد
من عنادك
تجاهل الزول الرايدك بسنة الله ورسول الله
وراجى جوابك
الجواب كان
فيهوا سلام راجيهوا
كان فيهوا
شتيمة رسليهوا
اجدابيا/ليبيا