وصاحت معاها كل شوارع القهر نحن مرقنا والحرية هـــــــــدفنا
نغسل ارصفة الشارع من دنس القبح الكيزانى كفاية متاجرة باسم الدين
الدم السال ياالكوز الما نافع قسما نابت تار يوريك كيف تلحس كوعك
وتبلع لسانك الاوسخ من دقنك ديك الشيطانية
باسم الدم الطاهر سال يا رقاص ما حانوديك لاهاى ولا لاكامبوا
حا نركبك التونسية خروج من غير عودة للكرسى الهزاز نعلق راسك
فى عمود نور بميدان الامم المتحدة جمب الجامع فى الخرطوم
وكل عابر يجدع فيك حجر عشان تعرف يعنى شنو الحق شنو العدل
باسم الدم السال فى شمبات والثورات وكل ام درمان وكمان امبدة
والسلمة ومايو وبرى الصامدة وكل اركان الحاج يوسف وعروسنا
الاسمها مدنى الولعت اول واكبر شمعة لن نعفى عما سلف
لن نعفى عن الكتلو ولدنا
ولن نسمح للناس القاعدت تنظر وساكتا عن جرم الكيزان
تجى بعدين وتعمل فيها ابطال تغير
فيهم واحد جرى لبرا
والتانى قال مذكرات تذكرة ما عارف ايه وهو قاعد فى بيتوا
ياثائر بوعيك احمى الثورة من الانتهازين الما ناس حارة
واسس لبكره الصاح عشان ما ننتج تانى الازمة الفينا من 56
باسم الدم الطاهر السال يا رقاص
وكل عصابة الكيزان والكرتون المتحالف مع عملكم كله الشين
لن نتراجع للحرية نحن مرقنا