جانى
الحزن تانى عشش فوق اغصان الروح التعبت من شيلت الهم المطر الريح الليل كبرت فينى
الاحلام زى ما بتكبر اغصان السنط الترمى الضل وكبرت فينى الابنوسية السمحة شوقا
يملى الدنيا شوية شوية ويبقى الشوق بلسم للجرح للاقدم
ياابنوسية
يا سمحة يا مطرا ارخت فينى هموم العشق التطفح فى ايام الحزن الكبرى ياابنوسية يا
سمحة يافرح فى افق شارد غيمة تكتر فيها طلاسم صعبت على القاموس الانسانى يا
ابنوسية ياسمحة يا تعبا ياحبا سهرنى الليل يا لون الحب المترامى الاوجاع فى افق
الشمس التشرق فى مطر الليل الاصفر
بينى
وبينك موعد من ايام كوش وبعد خراب سوبا وفى هجرات الرفض لجبال سموها النوبة بينى
وبينك موعد متجدد فى قمة كلجنق وكراكيروا النقشوا فيها النخلة النيل المركب تحكى سيرة اجنق الابطال
المخضوبين بطين الارض السمرة المصقولين بلفحة شمش حارة احفاد ترهاقة بانقى كوش حام
بينى
وبينك موعد ميلاد للسيرة الاولى للحب بينى
وبينك قصة للاطفال التايه عيونم فى الدهشة بينى وبينك سفرا بينى وبينك درب اطول
واقصر من عمر اللحظة اطول واقصر من حبل الصبر الممدود
بينى
وبينك تبقى الدهشة ويبقى الامل المجدول اخضر ويبقى ويبقى ويكبر فينى الحب
طرابلس
/30/4/2006