كيف انساك
كيف انساك
قولى كلام معقول ماانتى علامة
فى جدار
العمر المشروخ
سميتى الحب
بالوهم الكاذب وليك اقول
مافى وهم
كاذب بيسعد زول ويخلى الدنيا
شروق فجر
ضاحك يلون جدران العمر
المشروخ
بالنور
وياهو
الحاصل وليك اقول مرحا بالوهم
اللون
اطراف الروح بالورد بالامل بالدهشة
ابحر فيهو
بالكلمات اصارع الموج لشاطى
الناس تشوفوا بعيد وبقياس عمرى المشروخ
ساكن
فى الشريان
وبرضوا
اقول مرحا بالوهم العايشوا فى نظرك
وفى نظرى
اروع واقع يلهمنى القافية السمتيها
حلوة ويمنح
لحظاتى كل الافراح
كيف انساك
قولى كلام معقول
ماانتى علامة
فى جدار العمر المشروخ
نجمة فى
ليل الصمت
ترسم لى فى
العتمة دروب الشجن الشوق
تاسس لفرح
يشمخ فى رمل البحر يقاوم
الموج المد
الجزر
ضد الليل
الاسود فى مدن القبح الزيف
تدى
البحارة منوا الشوق
تكتب فى
اشرعة السفن دروب الوصول
وتكتب فى
خاطرى عيش الحب الديما
اجمل حالة
ماهو وهم كاذب
وترسم فى
زاكرتك انو الحب ماهو وهم
زائف