بعد ثورة ديسمبر المجيدة وصراعها
الطويل مع أي نظام شمولي فشل في إدارة البلاد سياسيا وإقتصاديا وعمق المشاكل
الإجتماعية في نسيج الشعب الفريد ده ، قمنا عملنا ميثاق سياسي عشان ننتهي من قصة
الانقلابات العسكرية في البلد دي ..
الميثاق ده في المستقبل حيخلينا نقول
رأينا البحكم السودان منو !!
حيقول لينا السودان ده يتحكم كيف !!
بعد
إنقلاب البرهان في يوم 25 اكتوبر 2021م رجعنا لي نفس المربع الاول من الديكتاتورية
والشمولية ...
وعشان نوضح الشعار حقنا بي لا تفاوض
ولا شراكة ولا شرعية ، لا تفاوض يعني ما حنتفاوض مع اللجنة الامنية للنظام المباد
وماف اي تفاوض في انو المؤسسة العسكرية تكون تاني في السلطة .. ولا حنشارك اللجنة
الامنية للنظام المباد ولا اي جهة بتدعم
الشمولية في حاجه مهما كان ولا حنساومها في اي صغيرة وكبيرة بتخص الشعب العظيم ده ..
وثورتنا دي حتستمر بي كل الاساليب
السلمية المجربة والغير مجربة عشان نصل لي الديموقراطية الكاملة الما فيها شق ولا
فيها طق .
١ مارس
٢٠٢٢م
اللجنة الإعلامية لتدشين الميثاق
0 comments:
إرسال تعليق