في عيونك ضجة الشوق والهواجس للشـــاعر : أبو ذر عبدالله (الغفاري)

امهاتنا وابهاتنا بقولو لينا كفاية نرجع بيوتنا لانو البشير خلاص سقط، وهم نفسهم حضرو مسرحيتهم لمن جو بالانقلاب 89، ولسة شكلو مستمرين يصدقوها، لو ما شفنا بعيونا الأسماء الحنعلنها وهي بتؤدي القسم، وهي بدت شغلها جوا مكاتب القصر ما راجعين.

المجلس العسكري فيهو كيزان بالواضح كده ورافضين يوافقو على أي حكومة تجي من اتجاهنا كتجمع مهنيين وخلفه ثوار مالين الدنيا هتاف، لو ما الكيزان ديل سقطو تماماً ما حيتغير شي، أو نقبل بشروطهم ونعين وزراء ويكون القرار كامل في يد المجلس، يعين ويرفد، وينظر زي ما داير، وده معناه بشير جديد وبيع بالواضح للشارع ودم الشهداء من جانبنا.

اها السؤال المحبط الحيجي، نعمل شنو ودي قدرتنا ونحنا فترنا و و و؟ فترنا نعم، نقيف لا، إلا جثث.

قدرتنا سقطت 30 سنة ظلم وسقطت ساعات تمويه، وقادرة تسقط أيام مراوغة. نلتزم بمهامنا ونقوّم إدارتنا، نزبط متاريسنا. وحباب رمضان والعيد زاتو في الميدان.