لا شرقية ولا غربية سودانية
وبس
ميه ومليون فى الميه
الساعة جموع شعبية فى ساحات الثورة السودانية
كل مدن البلد والاطراف القروية
كل الناس الليلة أخوان فى الوطنية متوحد فيهم هم
البلد االصار مخطوف من ناس قمعية
اخلاقهم ما بشرية
افعالهم شيطانية
وكان هتافا واحد تسقط بس عصابة الجوع الفقرية
تسقط بس أصنام الدقن الكهنوتيه
هتاف الشارع نفض من داخلنا اليأس من يوم بكره
الكانت ليهو ملامح شايها
الحين بانت سكة خطواتنا اللازم نمشيها
حتى لو كانت كل الدنيا سكون فى العتمة
او مكسية بوحل الدجل القافل لينا السكه
لان الاصرار لينا دليل
يسقط بس وحل الدجل السادى افقنا الواسع
تسقط فوضى البوت العسكر الصاروا مليشيا
تحمى الطاغوت دينهم ماقال فرعونم
سلام وعدالة حرية تمشى تفج تفتح كل السكك المقفولة
والممنوعة بأمر الكيزان الصارت ليهم خاصة بوضع اليد الجبرية
سلام و عدالة شان يبقى الوطن الكل ويبقى الكل الوطن الدولة
ويسكت صوت الرصاص المزق كل الاطراف بفعل مليشيا البوت الدقن العسكر
حرية وبس تنشر ضو الوعى الاقوى من طلاسم الزيف والاستغلال الدينى
كل الناس فى الشارع نادهم واجب وطنى ما لابس احمر مختوم بمنجل
او رافع رصاصا ما بعثية... سودانية وبس صايحة تقول
يا عنصرى ومغرور كل البلد دارفور
من كاودا لامدرمان كل البلد سودان
تسقط بس شعارات الدجل المأفون
تسقط بس حكايات الكذب المقبوح
لا مندسين ولا مندسات لا موساد او سى اى اء يا كيزان
ومنبر شات ليكم بالمرصاد
ثوار احرار شايلين الشمس دروع ضد الرصاص والبنبان
مستعيذين منكم يا كيزان برب الفلق يا شر من خلق
طالعين دغرى ومن غير تحريض
الآ الواجب النادا علينا عشان
الوطن الساكن جوانا
ومتوهط دم فى الشريان وأحلام مشروعة
بحرية وأنسانية
الباعوها الكيزان الساكنين الوطن بى تمكين
ونهب منظوم باسم الدين
والما ساكن جواهم ابدا الوطن فى يوم او موقف كان
باعوا وطنا بالرخصا وما خجلانين
يا كوز يا ما عندك دين فات
زمان تغش الناس
باسم الدين او اىنكان انكشفت
عوراتكم الابدا ما كانت مستورة
بالوعى الراصى صفوف فى الشارع
ضد الفتنة والتميز با الالوان والدين
طلعنا
ما راجعين الا نهدم كل الاصنام
ونشتت حطامهم فى الريح
عشان البلد تبقى بدون كيزان ونفاق
وكدى تتعافى وتبقى تمام