تقرير : مهادن الزعيم
✵ الليلة طبعا موكب القضاء المفروض انو يتوجه ناحية مجمع
المحاكم في كل الولايات ....
✵
قبل
الزمن ساعة كان الوجود الامني في المسارات المعلنة ضعيف لايكاد يلاحظ وفجأة مع
الزمن المحدد انتشرت تاتشرات هيئة عمليات الجهاز (جاو) في شارع الاربعين محطات
الضو حجوج وطلمبة عابدين ... والغريبة وراء تاتشر الجهاز مكتوب في الحيطة (لقد
تعبنا يارفيقي ولكن لايمكننا الاستلقاء اثناء المعركة) .....
✵
الشرطة
اكتفت بالوجود في صينية التجاني الماحي بالاضافة الي فصيلة من شرطة السواري في
شوارع العباسية غرب ......
✵
في
شارع المعونة كان تاتشرات جاو تمشط الشارع بالاضافة الي ارتكازها في ميدان الرابطة
شمبات وتواجدت الشرطة في لفة شمبات جنوب ....
✵
ثوار #الكلاكلة انطلق هتافهم عند الساعة الواحدة بالضبط من سوق اللفة
وهتفوا باسقاط النظام واستمر ساعة كاملة في مواجهة القمع والضرب .....
✵
ناس #المعمورة بقو اول حاجة لازم يترسو الشوارع حتي ينطلق الهتاف بالحرية
ودا الحصل اليوم بالضبط ....
✵
ناس #الشجرة الليلة م عملو موكب بس اتجمعو كلهم في الميدان واشتغلو
توعية وتوزيع مهام للموكب الجاي عشان اي زول يعرف العليهو شنو ...
✵
كالعادة
كانت #شمبات في مقدمة الحضور بهتافات قوية تطالب باسقاط النظام ورفعوا
لافتات تدعو الي المشاركة في الاضراب القادم ....
✵
في
ميدان الرابطة الشباب كانو بلعبوا كورة جمب التاتشرات وكل مايشوفوهم غمدو بشوتو
الكورة في التاتشر ويخلعوهم ....
✵
اصبح
يوما امدرماني بامتياز عندم خرجت احياء (ودنوباوي والقلعة والركابية والقماير
وودالبنا وابوروف والمسالمة وحي العمدة) وارتفع هتافهم مطالبين بالانعتاق من ظلم
استمر ثلاثون عاما ...
✵ #جبرة والحضور الدائم المشرف في دفتر الثورة السودانية خرج
سكانها ظهر اليوم وارتفع هتافهم بالحرية ويعتبر موكبهم اليوم من اضخم المواكب
وهتفوا (ثوار احرار حانكمل المشوار) واستطاعو الوصول الي الامتداد ......
✵
من #الحاج يوسف انطلق موكب ضخم بعد الظهر يطالب باسقاط النظام شهد
مشاركة واسعة من الشباب وسكان الحي
✵
طلاب
حامعة السودان العالمية كانو حضورا وواصلوا في اعتصامهم عن الدراسة وهتفوا باسقاط
النظام
...
✵ جملة
توعية في شوارع الخرطوم نفذها شباب نهار اليوم رفعوا فيها لافتات عن الاضراب
الحايكون يوم التلاتاء الجاي وطلبوا من الجميع المشاركة فيهو ..
✵
اليوم
تم شطب البلاغات المفتوحة في المتظاهرين في محاكم (الخرطوم جنوب وبورتسودان وعبري
والاوسط الخرطوم) واصبح الثوار احرار استعدادا لجولة اخري ......