تقرير ميداني : مهادن الزعيم
✵ الساعة 12:50 المكان سوق
امدرمان (المحطة الوسطي) الاحوال عادية جدا وحركة الناس جمب المحلات تحس بيها
زايدة شوية كانها مبايعات وهمية للتأمين وكسب الزمن ......
✵ في الوقت المحدد انطلقت زغرودة وهتاف وسقط حالة الطواري في ثانية ... حشود ضخمة سيول بشرية تهتف من كل مكان والحشد يزداد ضخامة... كيف لايكون كذلك انه موكب امدرمان ....
✵ الهتافات تعلو والحشود تزداد والوجود الامني ضعيفا نسبة للاختيار الموفق للمكان وكان الموكب ......
✵ موكب ضخم فشلت كل محاولات رباطة النظام في قمعه وتفريقه وتحمل الالاف من المتظاهرين كمية قنابل البمبان الضخمة التي اطلقت عليهم ولسان حالهم يردد (كلو يهون عشان الوطن) ......
✵ كمية اعتقالات واصابات في موكب امدر واختناقات خفيفة بالبمبان .....
✵ الغريبة في شغل اليوم انو كان مواكب فعلا بحجم المشاركين ولم يكن مجرد تظاهرات فقط ....
✵ كأن الناس كانو ينتظرون اعلان حالة الطواري ليخرجوا الي الشوارع بهذه الحشود الضخمة (شعب بتاع ركوب راس ياخ)
✵ واجمل حاجة في شغل اليوم انو كل ناس كانو عايزين شغلهم يتم باي طريقة عشان لو انضرب الاخرون يكونو هم سند ودعم معنوي (سبحان الله كل المواكب نجحت) ...
✵ نقابة الاطباء اصدرت تقرير عن اصابات اليوم جا۽ كالاتي (قامت القوات الأمنية باستخدام العنف المفرط والرصاص الحي للتصدي للمتظاهرين ومحاولة تفريغ المواكب وهناك حتى الان ثلاث اصابات موثقة للاصابة بالرصاص الحي في أم درمان.
وهي كالاتي:
١/ ب ب ٥٦ سنة الثوره اصابة في اليد
٢/ أ ح ٤٢ سنة أمبده، اصابة في الكتف
٣/ ح م ٣٠ سنه أمدرمان، اصابة في الرأس.)
✵ في #بري تجمع السكان وارتفع الهتاف (ساقط ي عمر ساااقط هنا في السودان ... انت والكيزان ساااقط) في موكب مهيب وبعدها تحركت قرابة ال60 تاتشر من المثلمين اتجاه بري وتم ضرب البمبان بكثافة خيالية وتم تفتيش الجميع في شارع المعرض واعتقالات كثيرة كأنهم ارادو كسر صمود بري نهائيا ولكن مواطني بري لقنوهم درسا في الصمود ....
✵ طلاب جامعة العلوم الطبية (مأمون حميدة) تجمعوا كالعادة داخل الجامعة وهتفوا بأسقاط النظام لتنقض عليهم مليشيات النظام الملثمين وضربوا بمبان داخل قاعات الدراسة وداخل حافلات المواصلات وضربوا الطلاب بصورة وحشية تنم عن غبن غريب ....
✵ اشاوس حي #الشجرة اتلمو داخل الحلة وهتفو بهتافاتهم المميزة التي تطالب بأسقاط النظام لحدي العدد بقي كبير واتكون موكب طلع قفل شارع الكلاكلة طوالي ....
✵ ناس #امبدة16 كانهم كانو منتظرين اعلان الطواري عشان يطلعوا بالعدد الكبير دا ... طلعوا وهتفوا باسقاط النظام بعد ان اسقطوا الطواري بموكبهم ...
ناس #الامتداد طلعوا الشارع واول حاجة عملوها قفلوا شارع الصحافة زلط بالكامل حتي هتفوا باسقاط النظام .....
✵ #شمبات الحضراب وحي العرب والحلة (طبعا الناس ديل اصلو ما مفروض نقول طلعوا الشارع لانهم اساسا في الشارع) اها الليلة عملو موكب سمح شديد جهجه الرباطة والنظام والطوارئ .....
✵ #حلفايا الملوك موكب ضخم وهتافات قوية كسرت الطواري والنظام والرباطة ....
✵ #الكلاكلة #ابوادم #العزوزاب ديل لمن يشتغلوا سوا معناها قيامة الرباطة قامت ودا الحصل اليوم اي ناس طلعوا بموكب اكبر من التاني واي ناس عايزين هتافهم يوصل للتانيين
✵ #السامراب و #الدروشاب جنوب بيناتم توأمة مظاهرات مستمرة من 2013 دايما بطلعوا سوا عشان يخلوا الرباطة في كماشة ودا الحصل اليوم بامتياز .....
✵ #المعمورة وشغف الثورة والحرية والهتافات القوية والمظاهرات المستمرة ... الليلة كان عندهم موكب سمح شديد يعجب ويسر ....
✵ ناس الكلاكلة #صنعقت بدو الشغل متاخر (ترتيبات امنية وكدا) بس عملوا شغل غريب استمر لحدي قريب المغرب ....
✵ قبل المغرب بساعة تجمع مواطني الكلاكلة #شرق وكتموها في اخر محطة (الشارع الفاصل بين الاسكان والوحدة) وفي محطة ابوشهيرة وهتفوا باسقاط النظام .....
✵ تجمع عشرات المواطنين عصر اليوم في شارع #الستين وقاموا باغلاقه وهتفوا باسقاط النظام ...
✵ في #مدني خرجت احيا۽ (المدنيين والاسماعيلي وجزيرة الفيل) وطبعا شعارهم معروف (قفل ترس اهتف) وطبقوهو بجدارة ...
✵ مواكب اليوم شيعت حالة الطواري الي مثواها الاخير واثبتت ان التغيير المتوهم الذي تم في خطاب البشير لايعني الشارع في شئ وان الثوار في انتظار خطاب آخر يتنحي بموجبه البشير وزمرته ...
✵ ملحق مع المنشور صور وفيديوهات توضح كمية الحشود في جميع المواكب بالاضافة الي حالات القمع والانتهاكات الحصلت ......
(من المتوقع مظاهرات ليلية قوية سوف نفرد لها رصد منفصل بعد منتصف الليل)
✵ في الوقت المحدد انطلقت زغرودة وهتاف وسقط حالة الطواري في ثانية ... حشود ضخمة سيول بشرية تهتف من كل مكان والحشد يزداد ضخامة... كيف لايكون كذلك انه موكب امدرمان ....
✵ الهتافات تعلو والحشود تزداد والوجود الامني ضعيفا نسبة للاختيار الموفق للمكان وكان الموكب ......
✵ موكب ضخم فشلت كل محاولات رباطة النظام في قمعه وتفريقه وتحمل الالاف من المتظاهرين كمية قنابل البمبان الضخمة التي اطلقت عليهم ولسان حالهم يردد (كلو يهون عشان الوطن) ......
✵ كمية اعتقالات واصابات في موكب امدر واختناقات خفيفة بالبمبان .....
✵ الغريبة في شغل اليوم انو كان مواكب فعلا بحجم المشاركين ولم يكن مجرد تظاهرات فقط ....
✵ كأن الناس كانو ينتظرون اعلان حالة الطواري ليخرجوا الي الشوارع بهذه الحشود الضخمة (شعب بتاع ركوب راس ياخ)
✵ واجمل حاجة في شغل اليوم انو كل ناس كانو عايزين شغلهم يتم باي طريقة عشان لو انضرب الاخرون يكونو هم سند ودعم معنوي (سبحان الله كل المواكب نجحت) ...
✵ نقابة الاطباء اصدرت تقرير عن اصابات اليوم جا۽ كالاتي (قامت القوات الأمنية باستخدام العنف المفرط والرصاص الحي للتصدي للمتظاهرين ومحاولة تفريغ المواكب وهناك حتى الان ثلاث اصابات موثقة للاصابة بالرصاص الحي في أم درمان.
وهي كالاتي:
١/ ب ب ٥٦ سنة الثوره اصابة في اليد
٢/ أ ح ٤٢ سنة أمبده، اصابة في الكتف
٣/ ح م ٣٠ سنه أمدرمان، اصابة في الرأس.)
✵ في #بري تجمع السكان وارتفع الهتاف (ساقط ي عمر ساااقط هنا في السودان ... انت والكيزان ساااقط) في موكب مهيب وبعدها تحركت قرابة ال60 تاتشر من المثلمين اتجاه بري وتم ضرب البمبان بكثافة خيالية وتم تفتيش الجميع في شارع المعرض واعتقالات كثيرة كأنهم ارادو كسر صمود بري نهائيا ولكن مواطني بري لقنوهم درسا في الصمود ....
✵ طلاب جامعة العلوم الطبية (مأمون حميدة) تجمعوا كالعادة داخل الجامعة وهتفوا بأسقاط النظام لتنقض عليهم مليشيات النظام الملثمين وضربوا بمبان داخل قاعات الدراسة وداخل حافلات المواصلات وضربوا الطلاب بصورة وحشية تنم عن غبن غريب ....
✵ اشاوس حي #الشجرة اتلمو داخل الحلة وهتفو بهتافاتهم المميزة التي تطالب بأسقاط النظام لحدي العدد بقي كبير واتكون موكب طلع قفل شارع الكلاكلة طوالي ....
✵ ناس #امبدة16 كانهم كانو منتظرين اعلان الطواري عشان يطلعوا بالعدد الكبير دا ... طلعوا وهتفوا باسقاط النظام بعد ان اسقطوا الطواري بموكبهم ...
ناس #الامتداد طلعوا الشارع واول حاجة عملوها قفلوا شارع الصحافة زلط بالكامل حتي هتفوا باسقاط النظام .....
✵ #شمبات الحضراب وحي العرب والحلة (طبعا الناس ديل اصلو ما مفروض نقول طلعوا الشارع لانهم اساسا في الشارع) اها الليلة عملو موكب سمح شديد جهجه الرباطة والنظام والطوارئ .....
✵ #حلفايا الملوك موكب ضخم وهتافات قوية كسرت الطواري والنظام والرباطة ....
✵ #الكلاكلة #ابوادم #العزوزاب ديل لمن يشتغلوا سوا معناها قيامة الرباطة قامت ودا الحصل اليوم اي ناس طلعوا بموكب اكبر من التاني واي ناس عايزين هتافهم يوصل للتانيين
✵ #السامراب و #الدروشاب جنوب بيناتم توأمة مظاهرات مستمرة من 2013 دايما بطلعوا سوا عشان يخلوا الرباطة في كماشة ودا الحصل اليوم بامتياز .....
✵ #المعمورة وشغف الثورة والحرية والهتافات القوية والمظاهرات المستمرة ... الليلة كان عندهم موكب سمح شديد يعجب ويسر ....
✵ ناس الكلاكلة #صنعقت بدو الشغل متاخر (ترتيبات امنية وكدا) بس عملوا شغل غريب استمر لحدي قريب المغرب ....
✵ قبل المغرب بساعة تجمع مواطني الكلاكلة #شرق وكتموها في اخر محطة (الشارع الفاصل بين الاسكان والوحدة) وفي محطة ابوشهيرة وهتفوا باسقاط النظام .....
✵ تجمع عشرات المواطنين عصر اليوم في شارع #الستين وقاموا باغلاقه وهتفوا باسقاط النظام ...
✵ في #مدني خرجت احيا۽ (المدنيين والاسماعيلي وجزيرة الفيل) وطبعا شعارهم معروف (قفل ترس اهتف) وطبقوهو بجدارة ...
✵ مواكب اليوم شيعت حالة الطواري الي مثواها الاخير واثبتت ان التغيير المتوهم الذي تم في خطاب البشير لايعني الشارع في شئ وان الثوار في انتظار خطاب آخر يتنحي بموجبه البشير وزمرته ...
✵ ملحق مع المنشور صور وفيديوهات توضح كمية الحشود في جميع المواكب بالاضافة الي حالات القمع والانتهاكات الحصلت ......
(من المتوقع مظاهرات ليلية قوية سوف نفرد لها رصد منفصل بعد منتصف الليل)