ما تعاندى النسمة يا شتيلة الابنوس المغروسة جذورك فى ارض العز متوتدة
من فجر التكوين خليها تغازل لونك تنشر جواى الفرح الحب المستنيهو سنين
وكل فصول الدهشة المكتوبة بالوان
الطيــــــــــــــــــــــــــــــــــــــــــــــــــــف
خلى رحيقك يرسم لوحة تاخد من لونك فرح الشوق اليدى شعاع الشمس الضى
خلى رحيقك يرسم فى خطين غنوة ريد تنادى الاطفال تكتب فى عيونم
فعـــــــل
الغضب الاكبر اليهزم اللاهوتين الدجالين وفعلم اللانسانى
الــفــاضـــــــــــــــــــح
ما تعاندى النسمة ياشتيلة الابنوس المغروسة جذورك فى ارض العز متوتدة
من
فجر التكوين خليها تغازل لونك ترسم فى نافذة الوجع المنشر جواى كل
الاشواق
البتصادم وانتى معاى فى ساعة المحنة وانتى جواى ساعة الفرحة التشرق
فــــى
العتمة
المشــــــــــــــــــــــــــــــــــــــــــــــــــــــــــــــــــــــــــــــــــــــــــــــــــرورة
كلماتك التفتح فينى دروب خوف من بكرة وامل مشدوه حائر كل الاحتمالات
الممكن تحصل والمستحيل الما المرسوم فى
الخاطر
ما تعاندى النسمة يا شتيلة الابنوس المغروسة جذورك فى ارض العز متوتدة
من فجر التكوين خليها تغازل لونك تمنح كلماتى الجسارة التكسر كل
العتمـــة
البينى وخوفك تفتح فيك مسارات للشجن الحب
اللــــــــــــــــــــــــــــــــوعـــة
ترسم فى افق الشمس مجد للحب البيهو نعيش الفرح العلنى مع ناس
الحلـــــــة
البيهو نعيش المعنى السامى
للانســـــــــــــــــــــانيـــــــــــــــــــــــــــــــــــــــــة
ونكون الحجوة لشفع الزمن الجاى قريب
وتكونى السطر الاوحد فى دفتـــــــــر
ايامى وتبقى القافية الاجمل فى غنواتى
طرابلس/ ليبيا