بدقون مشاوير للتعب ليل صمت رهيب بندقية سونكى
حربة عكاز
كبير رؤية
ضبابيــــــــــــــــــــــــــــــــــــــــــــــــــــــــــــــــــــــــة
مابين عيونك وسكة صباحى احلم فى اليوم الطويل غنوة حــــــــب
نديانة بالمعانى الواضحة وردة تلاقى نهار
الاطفــــــــــــــــــــــــال
نطوف فوق احلام المدن النايمة نرسم فى الجدران عوالم الدهشة
يدى فى ريدك وريدك جواى طفل خايف من الخوف الجواك
المن
غير داعى نسكن فرح الموسم شوق نغنى الريد تهتكى
ستـــــــار
الصمت الخوف الوهمى تصرخى بحبك ياجنون الحاضر
بحبك
يا جنون اللحظة بحبك يا جنون
بكـــــــــــــــــــــــــــــــــــــــــــره
سميتك حبى سميتك كل الاشياء سميتنى فشل العمر
الضايــــــــــع
جيتك فى وقت ما عارف انو ما مناسب لكن الخطوة ما
بيعنيهـــــا
الضلمة الضو الريح الليل
المطـــــــــــــــــــــــــــــــــــــــــــــــــــر
بحبك ياجن فى لحظاتى يتاور وما باين ليهو شفى بحبك يا ابنوسية
يا تبلدية يانخلة يااناناس يافرحة يا صحراء يا
غـــــــــــــــــــــابة
انتى ضرورة لفواصل فرح يملى الدنيــــــــــــــــــــــــــــــــــــــــا
تعالى نغنى نثور نصرخ نطوف فى الناس العشش فيها
الهم شيب
نقالد داك الواقف كفران من اليأس ونمشى معاهو
لداك الشايـــــــل
غصن النيم ويجى داك الفاير دموا تكبر لمتنا نصالح
داك الشجر
الخاصم المطرا ويبقى حراز اخضر فى المطرا زى مافى
الصيف
اه كل ما اقول وصلت السحب لمست النجمة الشاردة
تقصر يدى
وترجع تفتش لدرب تانى يوصل لعيونك وشذى
الياسميـــــــــــــــن
كل ما اقول وصلت تضهب تانى الخطوة
تضيـــــــــــــــــــــــــــــع
حيرتى الوتر المشدود فى قوس اللحن الجاد حيرتى
الدنيا وكــــــــل
فصول الصيف والمطر اليرشح فى كلماتى اليأس
حيـــــــــــــــرتى
السفن الجواى تمشى فى بحرك من غير
بوصلـــــــــــــــــــــــــــــة
حيرتى الشوق التاه فى الظن الفاير من ايام الصيف
يرجـــــــــــــف
ياتعب الحيرة يا حيرة التعب المرتاح فى نسايم
شوقـــــــــــــــــــــى
كل ما اقول ارتاح ويرتاح منى الحزن الفى عيون
المدن التفتـــــــح
دروب فى العتمة للاطفال تصرخى فينى يافشل العمر
الضايــــــــع
تجدد اشجانى تجدد احزانى احكى وقولى شنوا الواقف
بينى وبينك وبين الحب النار التحرق وفجر العيد الراجيهوا بالشمعة المطفية من ساعة
حزنا مرت عشان تتجد تضوى الساحة وتضوى الروح
طرابلس / ليبيا